Høyring av søknad om ny Krossdalen transformatorstasjon
Norges vassdrags- og energidirektorat (NVE) har motteke konsesjonssøknadar for ny Krossdalen transformatorstasjon og å leggje om luftleidningar inn til stasjonen, i tillegg til ny 420 kV Krossdalen-Steinsland og ny delstrekning 420 kV Krossdalen-Haugsvær. Det er også søkt om konsesjon til spenningsoppgradering til 420 kV i Steinsland kraftverk og Nygard pumpekraftverk med tilhøyrande nettanlegg, samt endringar i Steinsland koblingsstasjon. Det er også søkt om å gjere tiltak på Nygardsveien og bygge kaihakk på Eidslandet.
Dei omsøkte tiltaka er i Modalen og Vaksdal kommunar i Vestland fylke. Det er Statnett SF og Eviny Fornybar AS som søker.
Høyringsfristen er 12. august 2024
Konsesjonskart Statnett
Konsesjonskart Eviny
Invitasjon til folkemøte 11.juni i Modalen kommunehus
NVE held offentleg møte tysdag 11. juni kl. 19.00. Møtet finn stad i Modalen kommunehus, Mo 3, 5729 Modalen. NVE vil orientere om handsaminga av søknaden. Statnett og Eviny vil vere til stades og orientere om planane. Møtet er ope for alle