Olav Nygard sin diktarvegg

Arbeidet med veggen har i hovudsak vore utført av biblioteksjef Mona Grenasberg og tidlegare biblioteksjef Inga Jorunn Nåmdal. Britt Farestveit fekk oppdraget med å setje innhaldet saman. 

Arbeidsgruppa har utført eit solid arbeid med å først kartlegge tekst, til deretter å måtta redusere tal dikt. For gruppa vart det vanskeleg å velje ut alle, så for to av dikta vart det løyst ved at dei vart publisert i foajeen på Bryggjeslottet. 

Modalen kommune markerer at det er 100 år sidan lyrikaren Olav Nygard gjekk bort, og Modalen kommune er stolt over at biblioteket no har fått sin eigen diktarvegg.

Modalen folkebibliotek er sjølvbetent ope kvar dag, og bemanna ondag,torsdag og fredag. I juli er opningstida utvida.

Kom gjerne innom Bryggjeslottet for å lese om lyrikaren!

Framfor diktarveggen frå venstre: Tidlegare biblioteksjef Inga Jorunn Nåmdal, kulturkonsulent Kent Tur Amundsen, ordførar Linda Neset, designansvarleg Britt Farestveit og biblioteksjef Mona Grenasberg.